یکجاملتا ہے۔خراسان، ہتھیار سازی کا مرکز:مشہد سے چالیس کلومیٹر کے فاصلہ پر دریا کے کنارے ایرانی و فرانسیسی آثارِ قدیمہ کے ماہرین کو خنجر اور تلوار جیسے ہتھیار ملے ہیں، جن کا شمار انسان کے بنائے ہوئے قدیم ترین ہتھیاروں میں ہوتا ہے۔ یہ تقریباً آٹھ سو سال سے ایک ملین سال تک قدیم ہیں۔ اس طرح قدیم ترین ہتھیار بنانے والے انسانوں کی موجودگی کے آثار ایران اور جنوب مغربی ایشیا، خراسان میں پائے جاتے ہیں۔ آثارِ قدیمہ کے شواہد سے پتہ چلتا ہے کہ تقریباً سات ہزار سال قبل خراسان کے شمالی 

علاقہ جات مثلاً درگذر اور مشہد کے صحرا میں ایسے ماہر انسان قیام پذیر تھے۔ اس علاقہ کے مقیم کم از کم پانچ ہزار سال قبل آبپاشی کے ذرائع، کانسی کے برتن، نباتات کی کاشت، گھروں کی تعمیر اور صنعتی کارخانے قائم کرتے تھے۔ المختصر یہ کہا جا سکتا ہے کہ سرزمینِ ایران پر آریاؤں کی آمد سے بھی پہلے خراسان میں قابل توجہ تہذیب و تمدن کے حامل انسان رہائش پذیر تھے، ان کو آسیائی اقوام کے نام سے یاد کیا جاتا ہے۔آریائی قوم تقریباً چار ہزار سال قبل آسیائی اقوام پر حملہ آور ہوئی، اگرچہ آغاز میں ان کے حملے پسپا کر دیے گئے لیکن ایک ہزار سال کی کشمکش کے بعد تقریباً ایک ہزار قبل مسیح میں مغلوب ہو گئے۔ ان کے بڑھتے ہوئے قدم روک دیے گئے اور خراسان کی تاریخ کے سنہرے دور کا آغاز ہو گیا

 

قدیم خراسان، سرزمینِ ایران اور توران:

 

قدیم ایران میں یہ چار حصّوں شمال، جنوب، مشرق اور مغرب میں تقسیم کیا گیا تھا اور خراسان میں تمام مشرقی علاقے اور سیستان کا علاقہ شامل تھا۔ اسلامی دور کے آغاز میں ماوراء النہر (دریائے جیحون اور دریائے سیحون کا درمیانی علاقہ) بھی خراسان میں شمار ہوتا تھا۔ یہ ریاست چین کی سرحد پامیر اور کوہِ ہندوکش تک پھیلی ہوئی تھی لیکن رفتہ رفتہ خراسان کی حدود سمٹتی چلی گئیں، یہاں تک کہ دریائے جیحون کے باہر کا علاقہ اس میں شامل نہ رہا۔ عرب مسلمانوں کے ایران پر قبضہ کے بعد خراسان کے چار حصّے تھے۔ اس کے چار بڑے شہر یعنی نیشاپور، مرو، ہرات اور بلخ ہر حصّہ کے مرکز تھے۔ جب خراسان کی تاریخ کی بات کی جائے تو ہمیں جان لینا چاہیے کہ یہ ایران کی اندرونی حدود تک محدود نہیں تھا بلکہ افغانستان اور ترکمانستان کے بڑے علاقے بھی اس میں شامل تھے۔ بلحاظ زمانہ بھی قدیم ایران کی تاریخ پر نظر دوڑائی جائے تو اس دور میں خراسان مزید وسعت رکھتا تھا اور تاجیکستان و ازبکستان کے بعض علاقے بھی اس کا حصّہ تھے۔جب آریائی خراسان کے راستے ایران میں داخل ہوئے تو یہ تین گروہوں مادی، پارسی اور پارتی میں تقسیم ہو گئے۔ ماد شمال مغرب کی جانب، پارس جنوبی اور جنوب مغربی ایران میں قیام پذیر ہوئے جبکہ پارت خراسان میں ہی رہے۔ ابتدا میں ماد خاندان نے سیاسی طاقت کے حصول کے لیے ’’ماد‘‘ سلسلے کو اپنی بنیاد بنایا اور پارسیوں نے ہخامنشی سلسلے کی بنیاد رکھی۔ اس سلطنت کا ۲۲۹ سال بعد اسکندر مقدونی کے ہاتھوں خاتمہ ہوا اور کچھ ہی عرصہ کے بعد اغیار کی اور غیرایرانی حکومتوں ’’سلوکیان‘‘ نے مکمل ایران پر تسلط حاصل کر لیا۔ سلوکیان کے خلاف پہلی مخالفت کی تحریک کا آغاز خراسان یعنی پارت خاندان کی جائے سکونت سے ہوا۔ پارت خاندان نے تقریباً اڑھائی ہزار سال قبل مسیح میں دو بھائیوں ارشک اور تیرداد کی سربراہی میں خراسان سے اپنی تحریک کا آغاز کیا اور رفتہ رفتہ سلوکیوں کو ایران سے باہر کر دیا لیکن جب ایران کی مغربی سرحدوں پر رومی فوجیوں نے لشکرکشی کی تو اشکانی حکومت اس کا نشانہ بنی۔ حکومت کا سیاسی مرکز بھی بین النہرین میں منتقل کر دیا گیا اور اس فوج کے سپہ سالار جنگ کرنے پر مجبور ہو گئے۔خراسان ہر لحاظ سے پارت حکومت کے لیے ایران کا اہم ترین صوبہ تھا اور ساسانیوں کے عہدِ حکومت میں ایران کے اہم ترین اور سب سے بڑے ثقافتی و تمدنی مرکز کی حیثیت اختیار کر گیا۔ اس عہد میں ایران کا سرکاری مذہب زرتشتی تھا اور ساسانی سلطنت میں کئی آتشکدے روشن تھے۔ ان میں اہم، مقدس اور معتبر ترین یہ تین آتشکدے تھے۔ ایک ’’آذر فرنبغ‘‘ تھا جس کی آگ فقط مذہبی پیشوا کے لئے مخصوص تھی۔ ’’آذر گشسب‘‘ بادشاہوں اور سپہ سالاروں کے لیے اور ’’آذر برزین مہر‘‘ کسانوں کے لیے مخصوص تھے۔آذر برزین مہر خراسان میں واقع تھا اور یہ خیال کیا جاتا ہے کہ نیشاپور کے شمال مغرب میں ’’ایوند‘‘ کا آتشکدہ اسی کی باقیات میں سے ہے۔ بعض لوگوں کا خیال ہے کہ زرتشت مذہب چھٹی صدی قبل مسیح میں پہلے خراسان میں پھیلا اور بعدازاں دیگر مقامات تک پہنچا۔شاہ قباد (خسرو انوشیروان کا باپ) کے دورِ حکومت میں پانچویں صدی عیسوی کے دوسرے نصف میں طبقاتی ناانصافی اور نچلے طبقے کے عوام پر شدید دباؤ اور مصائب و آلام کا دور تھا۔ اسی عہد میں ’’مزدک‘‘ کا ظہور ہوا۔ خراسان اپنے گرد و نواح کے اہم علاقوں میں انقلابی نظام کے فروغ کا باعث بن گیا۔ ساسانیوں کے زوال اور ایران میں اسلام کی آمد کے بعد بھی خراسان میں مزدکیان کا اثرورسوخ باقی تھا۔ اگرچہ مزدک کی جائے پیدائش کے بارہ میں زیادہ معلومات نہیں ملتیں لیکن بعض لوگوں کا خیال ہے کہ اس کا تعلق نیشاپور سے تھا۔ساسانی دورِ حکومت میں خراسان کے دور دراز کے علاقوں مثلاً بلخ اور تخارستان میں بودائی مذہب کے پیروکاروں کی بڑی تعداد موجود تھی۔ چین اور ہندوستان کی سرحدوں پر، ایران کی سرحد اور شاہراہ ریشم پر خراسان کے واقع ہونے کی وجہ سے ان ممالک کے ساتھ تہذیبی تعلقات کے تبادلے کی وجہ سے دونوں کی ثقافتیں ایک دوسرے کے اثرات قبول کیے بغیر نہ رہ سکیں۔ اسی بنا پر بدھ ازم کے رسم و رواج کے اثرات ایران کے مشرقی اور شمال مشرقی علاقوں میں نظر آتے ہیں۔ خراسان کا سرحد پر واقع ہونے کا ایک اور بھی نقصانتھا، وسطتی ایشیا میں مقیم نیم بدو اقوام نے اپنی آبادی کی زیادتی اور زندگی کے وسائل کی کمی کی وجہ سے وسیع تر زمینوں اور وسائل کی تلاش میں کئی بار خراسان پر چڑھائی کی اور اس علاقہ کے عوام کی زندگیوں کو بری طرح متاثر کیا۔ ان کی لشکر کشی میں اس حد تک اضافہ ہو گیا کہ ساسانی بادشاہ ایران کی شمال مشرق سرحد کے کئی علاقوں کے گرد دیوارِ چین کی مانند دفاعی حصار بنانے پر مجبور ہو گیا تا کہ یہ علاقہ اور اس کے رہائشی اس نیم بدو قوم کے شر سے محفوظ رہ سکیں۔دیوارِ چین کی طرح یہ دیوار بھی زمانے کے حوادث کے ہاتھوں محفوظ نہ رہ سکی اور رفتہ رفتہ منہدم ہو گئی۔ یہ دیوار وسطی ایشیا کے حملوں کا سدِ باب نہ کر پائی۔ یہ یورش تمام اسلامی ادوار میں بھی جاری رہی۔ ایران و خراسان کی سرحدوں پر ان کے سائے منڈلاتے رہے۔ یہی وجہ ہے کہ ایرانی ادب کی قدیم داستانوں میں خراسان کو ایران اور توران کی درمیانی سرحد کہا گیا ہے۔

 

اسلام کی آمد اور خراسان میں ایرانی تمدن کا احیا:

 

اگرچہ زمانۂ قدیم سے ہی خراسان انتہائی اہمیت کا حامل تھا لیکن ایران میں اسلام کی آمد سے اس علاقہ کے سنہرے دور کا آغاز ہوا۔ جب مغرب سے عرب مسلمانوں کی یورشوں کا آغاز ہوا تو خراسان وہ آخری علاقہ تھا جہاں عربوں کے قدم پہنچے۔ حضرت عمر بن خطاب کے دورِ خلافت میں مسلمانوں نے خراسان کے دروازے کھولنے کی بہت کوشش کی لیکن اس مقصد میں کامیاب نہ ہو سکے۔ پھرحضرت عثمان بن عفان کے زمانۂ خلافت میں ۳۱ ھ میں طبس کے شہر کی فتح سے خراسان کی فتح کا آغاز ہوا اور یہ سلسلہ معاویہ بن ابی سفیان کے عہد میں اور بعدازاں بھی جاری رہا۔ یہ کہا جا سکتا ہے کہ خراسان کے اہم علاقے حضرت عثمان غنی کے دور میں فتح ہوئے۔ عربوں کے حملوں کے ساتھ کئی عرب قبائل بھی خراسان کی طرف ہجرت کر آئے۔ اس علاقہ کے وسیع ریگستان جو ان کی خانہ بدوشی زندگی کے لیے مناسب تھے، یہاں سکونت پذیر ہو گئے۔ بنی امیہ کی حکومت نے مقامی ایرانیوں اور مہاجرین کے درمیان امتیازی سلوک روا رکھا حتّٰی کہ وہ اسلام قبول کرنے والے ایرانیوں کو عربوں کے برابر حقوق دینے پر بھی تیار نہیں تھے۔ ان کے مظالم بے حد و حساب تھے۔اسی روز سے خراسان میں بنی امیہ کے ساتھ دشمنی کا آغاز ہو گیا۔ امویوں کے خلاف تمام شیعہ تحریکوں کا گٹھ جوڑ اس قدر تھا کہ اموی دور کے خاتمہ کے وقت جب امام سجاد نے خراسان میں قیام کیا تو ان کے پیروکاروں کی بڑی تعداد ان کے گرد جمع ہو گئی۔ یحیٰی بن زید ۱۲۵ ھ میں قتل ہوا تو خراسانیوں نے اپنے اکثر نومولود بچوں کے نام اسی کے نام پر رکھے۔اسی دوران عباسی (پیغمبر اکرم کے چچا حضرت عباس کی اولاد) خاندان امویوں کے خلاف برسرپیکار رہتے تھے اور خراسان کے خلاف دشمنی میں اسی خلافت کی مسند سے استفادہ کرتے تھے اور خراسان کی طرف مختلف نمائندے بھیج کر امویوں کے خلاف پروپگنڈہ کرتے تھے۔ آخرکار خراسانیوں کی مکمل حمایت کے ساتھ ابو مسلم خراسانی کی سرپرستی میں تحریک کا آغاز کیا اور ابو مسلم خراسانی نے نہایت دلیری سے بنو امیہ کی حکومت کا تختہ الٹ دیا اور یوں عباسی حکومت تشکیل پائی۔لیکن جلد ہی منصور دوانیقی کی غداری کی وجہ سے دوسرے عباسی خلیفہ کا قتل ہوا۔ اگرچہ ابو مسلم کے قتل سے اہل خراسان غم و غصّہ کا شکار تھے لیکن خلیفہ کی حکومت نے اپنا وجود قائم رکھا۔ ہارون الرشید کی وفات کے بعد پانچویں عباسی خلیفہ نے امین اور مامون کے بیٹوں کے درمیان جنگ میں مامون کے بیٹوں کی حمایت کی اور وہ مامون کے مرکز، مرو سے مغربی علاقوں پر حملہ آور ہوئے اورر عباسیوں کے دارالحکومت بغداد پر قبضہ کیا اور مامون کو قتل کر دیا گیا۔ یہ تمام کام ایک خراسانی طاہر بن الحسین نے انجام دیا۔ یہ طاہر ذوالیمینین (دو ہاتھوں والا) کے نام سے مشہور تھا۔ طاہر کو اس کی خدمات کے صلہ میں حکومت بھی دی گئی لیکن اس نے کچھ ہی عرصہ کے بعد ۲۰۵ ھ میں جمعہ کے خطبہ سے مامون کا نام حذف کر دیا گیا اور اس طرح اسلام کی آمد کے بعد خراسان میں ایرانی حکومت کی بنیاد رکھی گئی۔ اس حکومت کا مرکز نیشاپور تھا اور طاہر کے نام سے یہ طاہریان کا دورِ حکومت کہلاتا ہے۔اسلام کی آمد کے بعد سے خراسان میں واضح تبدیلیاں رونما ہوئیں اور یہ تغیرات محض سیاسی نہیں تھے بلکہ خراسان کی ثقافت نے بھی اہم کردار ادا کیا۔ بلاشبہ یہ کہا جا سکتا ہے کہ اسلامی دورِ حکومت میں خراسان کی ثقافتی ترقی کو عروج حاصل ہوا۔ مزید برآں عربی زبان و ادب کے مقابلہ پر فارسی زبان و ادب کے چراغ کو روشن رکھا گیا۔ کسی بھی منطقہ کی آبادی کا اپنی زبان سے تعلق سب سے زیادہ گہرا ہوتا ہے۔ اگر ایسا نہ ہوتا تو مصر، شام اور بحر النہرین کی طرح فارسی زبان بھی عربی زبان میں ہی مدغم ہو جاتی۔ اس طرح ہمارا ثقافتی ورثہ بھی ناپید ہو جاتا لیکن اسلام کی آمد کی ابتدائی دہائیوں میں فارسی زبان عربی زبان کے مقابلہ میں کسی حد تک دب گئی تھی۔ ایک بار پھر خراسان سے تروتازہ ہو ئی اور آج افغانستان اور تاجیکستان میں بولی جانے والی دری فارسی خراسانی لہجہ کے ساتھ پورے ایران میں رواج پا گئی اور خراسان میں فارسی زبان کا عظیم شاہکار شاہنامۂ فردوسی تخلیق پایا جو فارسی نظم و نثر کا پہلا شاہکار تسلیم کیا جاتا ہے۔طاہریان کے بعد تیسری ہجری کے دوسری نصف صدی میں سیستان کے خاندان صفاریان حکومت کا بانی یعقوب لیث کی خراسان میں حکومت قائم ہوئی اور صفاری بھی طاہریوں کی مانند فارسی زبان کے احیاء کے لئے کوشاں رہتے۔ یعقوب لیث کو عربی زبان اور عباسی خلافت کے ساتھ شدید اختلافات تھے۔ اس سلسلے کی حکومت کے قیام کے بعد سیستان میں ان کا اثر و رسوخ بڑھ گیا اور سامانی حکومت نے ماورالنہر میں قدم جما لیے اور رفتہ رفتہ خراسان پر بھی قبضہ جما لیا۔ سامانیوں کو ادب پرور، ایرانی ثقافت کے دلدادہ اور قدیم آداب و رسوم کا احیا گر سمجھا جاتا ہے۔ اس طرح ان کے اقتدار کو بعد از اسلام ایرانی تاریخ کا درخشاں ترین باب تصور کیا جاتا ہے۔ اس دور میں خراسان اور ماوارالنہر کو ایرانی ثقافت کے احیا کا مظہر سمجھا جاتا ہے۔سامانی دور میں فارسی شاعری میں نئی جہتیں پیدا ہوئیں اور ایرانی ایوانوں میں قدیم ساسانی روش کی بجائے ایک نئی قوم نے جنم لیا۔ ایرانی قوم کی رزمیہ داستانوں کو پہلی بار ابو منصور کے شاہنامہ میں جمع کیا گیا، قرآن پاک کا فارسی زبان میں ترجمہ ہوا، جریر الدین طبری کی تاریخ اسلام اور تفسیر کا بھی عربی سے فارسی زبان میں ترجمہ کیا گیا۔ فارسی کے پہلے شاعر رودکی کو سامانیوں کی خاص حمایت حاصل تھی۔ ایرانی متانت کے مظہر ابنِ سینا کو ان کے دربار میں کاخاص مقام و مرتبہ حاصل تھا۔سامانیوں کے بعد غزنویوں نے مشرقی ایران پر تسلط قائم کیا اور خراسان کے اہم شہر غزنین جو موجودہ زمانہ میں افغانستان میں واقع ہے، اس کو اپنا دارالحکومت منتخب کیا۔ اگرچہ سامانیوں کی طرح اس کا حسب نسب بھی ایرانی نہیں تھا بلکہ یہ ترک نژاد تھے۔ یہ ادباء اور دانشمندوں کی حمایت اور حوصلہ افزائی کرتے تھے اور ایرانی ثقافت کی ترویج واشاعت میں بھی کوشاں رہے۔ طویل مدت کے بعد خراسان سلجوقیوں کے ہاتھوں غزنویوں کے تسلط سے آزاد ہوا۔ اس دور میں خراسان کی تہذیب و تمدن ترقی کے راستے پر گامزن رہی اور اگلی کئی دہائیوں تک ادبی و علمی تحقیقات منظر عام پر آتی رہیں۔ خراسان میں کئی کتب خانے بھی قائم ہوئے جہاں لاکھوں کی تعداد میں کتابوں کے خزانے موجود تھے اور نیشاپور جیسے شہروں کے علمی مدارس میں سینکڑوں دانشور اور محقق تحقیقی کاموں میں مشغول رہے۔

 

بربادی و خوشحالی، خراسان کے ادوار:

ایران میں بعد از اسلام چھ صدیوں میں خراسان کے حالات کو سمجھنے کے لیے محض وہاں کے عجائب گھروں میں جائیں تو ملاحظہ کریں کہ وہاں زیادہ تر صنعتی اور ہنری شاہکاروں کے نمونے کس دور اور کس علاقہ سے متعلق ہیں اور اگر ایران کے تمام دانشوروں کے ناموں کی ایک فہرست تیار کی جائے تو معلوم ہو گا کہ زیادہ تر دانشوروں نے کون سی سرزمین میں پرورش پائی ہے۔ اگر فلسفہ، کلام، تصوف اور علمی و ادبی کتب کی فہرست تیار کی جائے تو یہ بات باعث حیرت ہو گی کہ ان کی ایک بڑی تعداد ان چھ صدیوں میں خراسان میں ہی تخلیق و تألیف کے مرحلہ سے گزریں۔مقامِ افسوس ہے کہ ۶۱۷ھ میں منگولوں کی یورش کے دوران ان میں سے بہت بڑی تعداد تباہ و برباد ہو گئی۔ جس کے نتیجے میں کم و بیش ایرانی ثقافت کی کمر ٹوٹ گئی۔ البتہ منگولوں کے حملوں سے قبل ترکوں اور غزنویوں نے بھی وسطی ایشیا سے ۵۴۸ ھ میں خراسان پر چڑھائی کر دی اور مختلف شہروں کو نیست و نابود کر دیا۔ لیکن منگولوں کے مقابلہ میں ان حملوں کی شدت کم تھی۔ شاید ترکوں کے حملے منگولوں کے حملوں کے لیے راہ ہموار کر رہے تھے۔ چنگیز خان کی سرکردگی میں خراسان کے تمام شہر تباہ و برباد ہو گئے۔ وہاں کے لوگوں کو یا تو قتل کر دیا گیا یا قیدی بنا لیا گیا۔ مدارس اور کتب خانوں کو نذرِ آتش کر دیا گیا اور سینکڑوں ادباء و صوفیاء کو قتل کر دیا گیا۔ اس طرح خراسان مکمل طور پر ویران ہو گیا۔ابھی چنگیز خان کے حملوں کے زخم نہیں بھرے تھے کہ اس کے پوتے نے خراسان پر حملہ کر دیا، اس کی نظریں تمام ایران پر تھیں۔ اس نے ایران میں اسماعیلیوں اور بغداد میں عباسیوں کی حکومت کا تختہ الٹ دیا۔ اب منگول یعنی ایلخانی حکومت قائم ہوئی۔ اس حکومت کے ظلم و ستم کی انتہا کے نتیجے میں آخری ایامِ حکومت میں ستروار اور اس کے ارد گرد کے علاقوں میں عوام بغاوت پر آمادہ ہوئے اور خراسان کے پہلے شیعہ خاندان نے سربداران کے نام سے حکومت قائم کی۔ سربداران نے خراسان کے اہم علاقوں پر تسلط حاصل کر لیا اور ستروار کو اپنا مرکز بنایا۔ انھوں نے ۷۳۶۔۷۸۸ ھ تک حکومت کی اور بعد ازاں تیمور لنگ کے ہاتھوں شکست کھائی۔ ۷۸۱ھ ق میں خراسانی ابھی منگولوں کی تباہیوں کے اثرات نہ مٹا پائے تھے کہ تیمور لنگ کے ظالمانہ حملوں کا شکار ہو گئے۔بااین ہمہ تیمور کی حکومت میں سمرقند جو قدیم خراسان کا حصّہ تھا، دا ر الحکومت قرار پایااور تیزی سے ترقی کی منزلیں طے کیں۔ تیمور کی وفات کے بعد اس کا بیٹا اور دوسرے جانشین ’’شاہرخ مرزا‘‘ نے ہرات کو اپنا دار الحکومت بنایا اور خراسان میں امن و امان اور خوشحالی کی فضا پیدا ہوئی۔ لیکن یہ صورتحال بھی دسویں صدی ہجری کی پہلی دہائی میں ازبک کی یورش سے بدل گئی۔ تیموری حکومت کا شیبک خان ازبک کے ہاتھوں خاتمہ ہوا اور اس دہائی میں خراسان کے تمام شہر ازبک کے ہاتھوں تباہ و برباد ہوئے اور اہلِ خراسان کو ایک بڑے نقصان کا سامنا کرنا پڑا۔۹۰۷ ھ ق میں صفوی حکومت کے قیام سے ایک بار پھر خراسان میں امن و امان قائم ہوا اور شاہ طہماسب اور شاہ عباس نے ازبکوں کو مشرقی ایران سے باہر کیااور خراسان کے شہروں اور خاص طور پر مشہد کی آبادی کی کوششیں کیں اور صفوی دورِ حکومت کے آخر تک خراسان ایران کا ایک اہم مرکز تھا۔ اس خاندان کے سقوط کے بعد کچھ عرصہ تک افغانیوں کی کشمکش کا شکار رہا لیکن پھر اس بے سکونی کے دور کا خاتمہ بھی ، خراسان کے نادر شاہ افشار کی ہمت سے ہوا، اور نادر شاہ کی موجودگی سے خراسان ایران کی سیاسی تبدیلیوں کا مرکز بنا رہا، اور ۱۱۶۰ ھ ق میں نادر شاہ کی وفات اور اس کے جانشینوں کے درمیان اختلافات کی وجہ سے ایک بار پھر ایران اور خراسان ہرج و مرج کا شکار ہوئے۔ آخرکار نادر شاہ کے پوتے شاہرخ میرزا نے اس ریاست کی باگ دوڑ سنبھالی۔ اس نے کریم خان زند کے برسراقتدار آنے کے بعد بھی اپنی حکومت قائم رکھی لیکن بالآخر قاجاری حکومت کے بانی آغا محمد خان قاجار کے ہاتھوں اقتدار سے محروم ہوا۔

 

قاجاری دور میں خراسان کا مختلف حصوں میں تقسیم ہونا:

قاجاری عہد ایران و خراسان کے لیے انتہائی تلخ ثابت ہوا۔ اس دور میں خراسان کا ایک بڑا حصّہ اس سے جدا ہو گیا۔ ہندوستان میں برطانوی استعماری راج کی وجہ سے روس اور ہندوستان کے درمیان افغانستان کی حدِّ فاصل ہونے کی وجہ سے ان کی توجہ کا مرکز رہا، انگریزوں نے افغانستان کے بعض امرأجن کا تعلق ایران سے تھا، کو اس کے خلاف بھڑکایا اور جب محمد شاہ قاجار نے ہرات کا محاصرہ کیا تو اس نے جزیرہ خارک پر قبضہ کر لیا تا کہ شاہ ایران کو اس شہر اور افغانوں کی سرکوبی کے ارادے سے باز رکھیں۔ محمد شاہ کے بعد اس کے بیٹے ناصرالدین شاہ نے بھی کوشش کی کہ ہرات کو اپنی حکومت کا مطیع بنا لے لیکن اس بار بھی انگریزوں نے خارک اور بوشہر پر چڑھائی کر دی جو اس کے ارادے میں رکاوٹ بنی۔ بالآخر ۱۲۷۳ ھ ق میں ایران اور برطانیہ کے درمیان پیرس میں ایک معاہدہ طے پایا جس کے تحت ہرات ایران سے جدا ہو گیا اور قاجاری حکومت نے افغانستان کی مستقل حکومت کو قبول کر لیا۔اسی دور میں برطانیہ کی مانند روس بھی خراسان پر نگاہیں جمائے ہوئے تھا تا کہ اس سرزمین کے شمالی حصّہ کو اپنی حکومت کا حصّہ بنا لے۔ اس مقصد کی تکمیل کے لیے روس نے کوئی حملہ نہیں کیا البتہ ایک منصوبہ بندی کے تحت سرخس سے بھی آگے تک پیش قدمی کو ممکن بنایا۔ مرو اور اس کے مضافات پر قبضہ کیا اور قاجاری حکومت کو اس حکمت عملی کے سامنے مجبور ہو کر سر کو جھکانا پڑا۔ لہٰذا عہدِ اسلامی میں خراسان کے چار حصّوں میں سے تین یعنی ہرات اور بلخ کو افغانستان میں اور مرو کو ترکمانستان میں شامل کیا گیا اور یوں یہ علاقے سرزمینِ ایران سے الگ ہو گئے اور قدیم تہذیب و تمدن کا درخشاں ستارہ محدود ہو کر رہ گیا۔ البتہ خراسانی ثقافت اور تہذیب و تمدن کے اثرات افغانستان اور وسطی ایشیا کے عوام میں دیکھے جا سکتے ہیں۔ ہوشنگ ابتہاج (ھ۔ا۔ سایہ)کے مطابق :

 

باغہا را گرچہ دیوار و در است

از ہوا شان راہ با یکدیگر است

شاخہ ہا را از جدائی گر غم است

ریشہ ہا را دست در دست ہم است

 

اگر باغ کے گرد در و دیوار بنا دی جائے لیکن ان کی ہوائیں ایک دوسرے کو پہنچتی ہیں، اگرچہ اس باغ کی شاخیں جدائی کے غم میں گریہ کناں ہیں لیکن ان کی جڑیں آپس میں جڑی ہوئی ہیں۔

۱۳۸۰ ھ ش میں طبس اور اس کے مضافات خراسان سے جدا ہو گئے اور ملکی تقسیم میں صوبۂ یزد کا حصّہ بن گئے۔ اسی طرح ۱۳۸۲ ھ ش میں خراسان تین حصّوں میں تقسیم ہو گیا، شمالی خراسان، بجنورد کے مرکز کا خراسان رضوی جس کا مرکز مشہد اور جنوبی خراسان جس کا مرکز بیر چند قرار پایا۔ ایسا معلوم ہوتا ہے کہ آج عظیم خراسان سے ایران و توران کی سرحدوں کے نشان بھی باقی نہ رہے۔

 

خراسان کی تہذیب (وحدت اور کثرت کی داستان):

 

خراسان کی ثقافت کو بھی اس کی تاریخ کی مانند ملک کی سیاسی تقسیم کے بجائے عظیم خراسان کے تناظر میں ہی دیکھنا چاہیے کیونکہ جغرافیائی حدود ثقافتی حدود سے مماثلت نہیں رکھتیں۔ خواہ ان کے نقشہ پر جغرافیائی تقسیم کی کتنی ہی لکیریں کھینچ دے اور اس کو کئی حصّوں میں تقسیم کر دے یا اس کی کئی شاخیں اس سے جدا ہو جائیں۔ اس سرزمین کی سیاسی تاریخ کے مطالعہ سے یہ جان سکتے ہیں کہ اس کی ثقافت کیسی ہے، یہاں کے لوگوں کا طرزِ بودو باش کیا ہے؟ جنگوں سے بھرپور سیاسی حالات کے باوجود خراسان کی ثقافت درخشاں، تابناک اور علم و ادب کے حوالہ سے انتہائی غنی ہے۔ حملہ آوروں کے لگاتار حملوں، جنگوں اور تخت و تاراج کی صورتحال سے دوچار ہونے کے باوجود خراسان میں قومی، مذہبی، زبان و ادب اور رسوم و رواج میں حیرت انگیز تنوع نظر آتا ہے۔ گویا ہر قوم اور ثقافت نے خراسان پر اپنے نقوش ثبت کیے اور اس طرح اپنے تشخص کی چھوٹی بڑی نہریں جاری کر دیں۔اس کے علاوہ ثقافتی تنوع میں جغرافیہ کے کردار کو بھی فراموش نہیں کیا جا سکتا۔ خراسان کے شما ل سے جنگل کو راستہ جاتا ہے اور جنوب میں صحرا کی طرف راستہ نکلتا ہے۔ حقیقت یہی ہے کہ ایک جنگل نشیں کسی صحرانشیں جیسی زندگی بسر نہیں کر سکتا اور نہ ہی ان کے اعتقادات، رسوم و رواج اور قوانین ایک جیسے ہو سکتے ہیں جو مختلف زندگی گزارنے والوں کو ایک دوسرے کے تابع کر سکیں۔ اس اعتبار سے خراسان میں شہری اور دیہاتی، خانہ بدوش اور کسان، مویشیوں کی دیکھ بھال کرنے والے اور صنعت کار سب کا طرزِ حیات جدا جدا ہے۔ مختلف مذاہب کے پیروکار باہم زندگی بسر کرتے ہیں اور ہر گروہ اپنے مخصوص انداز، لہجہ اور زبان میں ہی بات کرتا دکھائی دیتا ہے۔ ہر علاقے کے اپنے مخصوص آداب زندگی ہیں: یعنی ہر نوع کی ثقافت ایک وحدت میں ملتی ہے۔ یعنی خراسان میں ہر قوم ایک مختلف رنگ و نسل اور مذہب کا رنگ لیے ہوئے ہے لیکن یہ اپنا منفرد تأثر بھی رکھتا ہے۔ خراسان نے کرد، عرب، ترک، ازبک اور منگول سب کو اپنے دل میں جگہ دی ہے لیکن خود نہ وہ کرد ہے اور نہ عرب، نہ ترک اور نہ ہی ازبک اور نہ منگول، بلکہ صرف خراسانی ہے اور سب سے بڑھ کر ایرانی ہے۔

 

خراسان کے قبائل:

 

یہ ایک طویل سفر ہے لہٰذا اس کے بارہ میں مختصر ذکر کریں گے۔ خراسان میں بسنے والے قبائل کی تعداد بہت زیادہ ہے۔ ’’گرایلی‘‘ منگول نسل سے ہیں اور تیمور لنگ کے حملہ کے وقت خراسان میں آئے تھے۔ تیمور نے شام پر حملہ کے وقت ’’شاملو‘‘ قبیلہ کو ہجرت کر کے یہاں آنے پر مجبور کر دیا تھا۔ خراسان کے شمال میں زیادہ تر کرد ہیں جو قوچان کے اطراف میں پھیلے ہوئے ہیں۔ یہ شاہ عباس کے دور میں ازبک کی یورش کو روکنے کے لیے خراسان کی طرف دھکیلے گئے۔ بعدازاں انھوں نے یہیں بودوباش اختیار کر لی۔ ترکمان یا ازبک نے کبھی مہاجرت یا یورش سے چشم پوشی نہیں برتی۔ یہ خراسان کے شمالی علاقوں میں آباد ہیں۔ آج یہاں نہ تو مہاجر ہیں اور نہ ہی مہاجمین بلکہ سب مکمل طور پر صرف خراسانی ہیں اور اپنی سرزمین سے عشق کرتے ہیں۔ مجموعی اعتبار سے شمال اور مشرق میں ترکمانوں کے بیالیس قبیلے آباد ہیں۔ اس کے علاوہ کرد قوم کے بھی کئی قبیلے آباد ہیں۔ ہزارہ، تیمنی، تیموری اور جمشیدی۔ خواف سے باخزر میں بامیان افغانستان کے پہاڑی سلسلہ میں آباد ہیں۔ تیموری، خوافی، سلجوقی اور بربری تربت جام اور تابیاد میں نظر آتے ہیں۔ اس کے علاوہ سرخس کے علاقہ میں عرب، بہلوئی، سیستانی اور بلوچ مقیم ہیں، انھوں نے ناصرالدین شاہ کے دور میں سرخس کی طرف ہجرت کی تھی۔ ان کے علاوہ دیگر اقوام بھی ہیں جو اپنی قبائلی شناخت رکھتی ہیں ورنہ خراسان میں ایک فرد بھی اس بات کا دعویٰ نہیں کر سکتا کہ اس کے آباو اجداد منگولوں یا وسطی ایشیا کی اقوام کے ساتھ حقیقی رشتہ رکھتا ہے یا اس کی رگوں میں کردوں اور عربوں کا خون نہیں دوڑ رہا۔ ابراق کے باقی لوگ بھی ایسی ہی وضعداری کے حامل ہیں لیکن یہاں محض اہلِ خراسان کی بات کی جا رہی ہے۔

 

اہلِ خراسان کا مذہب:

 

خراسان میں لوگوں کی اکثریت شیعہ مذہب سے تعلق رکھتی تھی اور بلاشبہ خراسان میں امام ہشتم ؒ کی بارگاہ حرم بھی اہلِ تشیع کے لیے باعثِ ضمانت ہے۔ یہاں اہلِ سنت بھی موجود ہیں کہ جن کی جڑیں خراسان میں ہیں، وہ خواف اور تربت جام میں امام ابو حنیفہ کے پیروکار ہیں۔ اسماعیلیہ شیعہ جنھوں نے امام صادقؒ کے بعد بارہ امامی شیعوں سے الگ راستہ اختیار کیا، یہ لوگ مشہد اور نیشاپور کے درمیانی علاقہ میں آباد ہیں۔ اس کے علاوہ ارامنہ (مسیحی) اور یہودی بھی اقلیت میں آباد ہیں۔ اندرونِ ملک اور بیرونِ ملک مہاجرت کے باعث ان کی تعداد کم ہو رہی ہے۔

 

خراسانی زبان اور لہجے:یہاں یہ بات قابل ذکر ہے کہ ہماری قومی زبان دری کا لہجہ (البتہ وقت گزرنے کے ساتھ ساتھ اس میں تبدیلیاں آ چکی ہیں) خراسانی ہے۔ یہ قدیم زبان ہے جیسا کہ بیہقی، بلعمی اور ابوریحان البیرونی کی زبان بھی یہی تھی اور طبس، فردوس، گناباد، بیر جند، قاین، سرخس اور کاشمر میں بھی یہی زبان اور لہجہ رائج ہے۔ مقامِ افسوس ہے کہ میڈیا یعنی ٹی وی کے چینلز وغیرہ کی مدد سے یکساں ثقافت پیش کرنے کی کوشش میں یہ زبان بتدریج ناپید ہو رہی ہے لیکن تاحال اہلِ خراسان کی اکثریت کی زبان فارسی ہے۔ یہاں ہر گروہ کا اپنا مخصوص لہجہ ہے مثلاً مشہدیوں کی زبان خاص و عام کی زبان ہے۔ شمال میں کردی زبان رائج ہے۔ مجموعی طور پر چند خراسانی زبانیں عام ہیں اور ہر کوئی یہ جانتا ہے کہ:’’ہمدلی از ہم زبانی خوش تر است‘‘۔یعنی ہمدلی ہم زبانی سے بہتر ہے۔ اس بحث کو سمیٹتے ہوئے خراسانِ رضوی پر بات کریں گے۔

 

خراسان رضوی، خراسان عظیم کی وراثت:جیسا کہ پہلے ذکر کیا گیا ہے کہ ۱۳۸۲ ھ ش میں خراسان کا صوبہ مجلس شوریٰ کے نمائندوں کے ووٹ سے تین حصّوں میں منقسم ہو گیا۔ شمالی خراسان، جنوبی خراسان اور خراسان رضوی۔ چند شہروں کے علاوہ باقی تمام بڑے شہر وسیع اور گنجان آباد خراسان رضوی کے صوبہ میں واقع ہیں۔ اس لیے ہم فقط اسی سے متعلق بات کریں گے۔ خراسان رضوی، شمالی خراسان کے صوبہ سے سمنان اور یزد سے اور جنوبی خراسان دو ممالک افغانستان و ترکمانستان کا ہمسایہ ہے۔

 

خراسان کا انسانی جغرافیہ:

 

آخری مردم شماری کے مطابق خراسان رضوی کی آبادی ۴۷۴۴۲۶۸ افراد پر مشتمل ہے۔ جو چند بڑے شہروں مثلاً تایباد، تربت جام، حیدریہ، چناران، خواف، خلیل آباد، سرخس، فردوس، فریمان، قوچان، کاشمر، کلات، گنا آباد، مشہد اور نیشاپور میں پھیلے ہوئے ہیں۔ ان میں سے ۶۴ فیصد شہروں میں اور ۳۶ فیصد دیہات میں رہتے ہیں۔ یہ آبادی تین اقسام کے شعبوں سے وابستہ ہے:۱۔ کھیتی باڑی: اس میں کاشتکاری، حیوانات کی پرورش، شکار، جنگل اور ماہی گیری کے پیشے شامل ہیں۔۲۔ صنعت: معدنیات کا اخراج، صنعت، پانی، بجلی، گیس اور معماری کا کام۳۔ سروس: تجارت، ہوٹلنگ، ریسٹورنٹ، نقل و حمل، کمیونی کیشن، سٹور، بنک، انشورنس، ملکیت (جائیداد)، قانون، مفادعامہ کی خدمات وغیرہ۔خراسان کی طرف دوسری اقوام کی ہجرت یہاں کے اہم ترین معاشرتی مسائل میں سے ایک ہے۔ صوبہ خراسان کے دیہاتی لوگ مفلسی کے باعث ضروریاتِ زندگی کو پورا کرنے کے لیے شہر بہ شہر ہجرت کرتے رہتے ہیں۔ مشہد چونکہ زیارتی مقام ہے لہٰذا یہاں رفاہی، اقتصادی، صنعتی ترقی کی بدولت اور دارالحکومت ہونے کی وجہ سے یونیورسٹیوں کے قیام کے باعث لوگ اس کی طرف ہجرت کرتے رہتے ہیں۔ تنازعات کے باعث اور جنگ زدہ علاقوں مثلاً افغانستان سے افغانی بھی اس کی طرف آتے رہے۔ گذشتہ چند سالوں سے عراق میں جنگ کی وجہ سے بھی یہاں مہاجرین کی تعداد میں اضافہ ہوا۔ یہ ایک فطری عمل ہے کہ تمام افراد کی ضروریاتِ زندگی پوری ہوتی ہیں اور وہ سہولیات سے مستفید ہوتے ہیں۔ اس کے نتیجے میں یہاں معاشی و معاشرتی ناہمواریاں بھی پیش آئیں، لیکن اہلِ خراسان نے ان تمام مشکلات کو خندہ پیشانی سے کیا ہے۔

 

خراسان کا قدرتی جغرافیہ:

 

خراسان کی آب و ہوا دو عوامل کی وجہ سے ہمیشہ تبدیل ہوتی رہتی ہے، ایک تو مغرب، شمال مغرب اور شمال مشرق کی جانب ہواؤں کی آمد اور دوسری جانب شمال کے بلند و بالا پہاڑ اور جنوب کے صحرا، ہر کوئی اپنی خاصیت کے باعث اس کی آب و ہوا پر اثر انداز ہوتے ہیں۔ اس صوبہ کے جنوب میں بجنورد (شمالی صوبہ کا مرکز) ہے، الادغ اور بینیابور کی سطح مرتفع کے سلسلے نیشاپور تک پھیلے ہوئے ہیں۔ یہاں کوہستانی سرد ہوائیں چلتی ہیں اور قوچان اور کپہ داغ، ہزار مسجد سطح مرتفع کا سلسلہ ترکمانستان سے سرخس تک جاتا ہے، یہاں کوہستانی معتدل آب و ہوا ہے۔ پہاڑوں کے نیچے میدانوں اور نیم صحرائی علاقوں میں ملائم و معتدل آب و ہوا ہے جبکہ صوبہ کے جنوبی حصّہ میں گرم و خشک صحرائی آب و ہوا کے علاقے ہیں۔ اس صحرا کا زیادہ تر حصّہ صوبہ خراسان کے جنوب میں واقع ہے۔خراسان رضوی کی بلندیوں میں وسیع درے اور آبشاریں نظر آتی ہیں جہاں زراعت کے وسیع ذرائع موجود ہیں۔ اس کے اہم ترین صحرا دشت مشہد، قوچان، تربت جام، نریمان، نیشاپور، سبزوار، تربت حیدریہ اور کاشمر قابلِ ذکر ہیں۔ اس کے ساتھ ساتھ خراسان کے پہاڑی سلسلے اپنے دامن میں دریا بھی سموئے ہوئے ہیں جن کا وجود انسانی زندگی کے لیے ایک بڑی نعمت ہے۔ دو دریا اترک اور کشف صوبہ کے شمال میں اور کالشور اور جوبن خراسان رضوی کو سیراب کرتے ہیں۔ لیکن آخری ادوار میں گہرے کنوؤں کی کھدائی اور پانی کے بے جا استعمال سے اس میں مسلسل کمی واقع ہو رہی ہے۔ لہٰذا پانی کے مزید زیرِ زمین استعمال کو ممنوع قرار دیا گیا ہے۔خراسان کی متنوع آب و ہوا کی وجہ سے یہاں تین قسم کی نباتاتی پیداوار ملتی ہیں۔ اول: جنگل، جو صوبہ کے شمال میں واقع ہے اور زیادہ تر جنگل تنگ اور گھنے نہیں ہیں۔ دوم: گھاس کے میدان، تمام تر صوبہ میں مختلف انواع و اقسام کے میدان پائے جاتے ہیں۔ سوم: چراگاہیں، جو صوبہ کے شمال میں نسبتاً بہترین حالت میں ہیں لیکن جنوبی علاقہ میں ان کی حالت ابتر ہے۔ اس سلسلے میں بھی غیر منظم چراگاہیں ان کے لیے خطرے کی گھنٹی ہیں۔

مشہد

 

بارہ سو برس قبل مشہد ایک چھوٹا سا گاؤں تھا خراسان کے صوبے میں اس کے نزدیک ،20 کلومٹر کے فاصلے پر ایک بڑا شہر تھا جس کا نام طوس تھااب طوس اور مشہد تقریبا ایک ہی شہر بن چکے ہیں۔تاریخی حوالے سے خراسان ایران کا ایک اہم اور قدیم صوبہ تھا۔ اس میں وہ پہلے وہ تمام علاقہ شامل تھا جو اب شمال مغربی افغانستان ہے۔ مشرق میں بدخشاں تک پھیلا ہوا تھا۔ اور اس کی شمالی سرحد دریائے جیحوں اور خوارزم تھے۔ نیشاپور ، مرو ، ہرات اور بلخ اس صوبے کے دارالحکومت رہے ہیں۔ اب اس کا صدر مقام مشہد ہے۔ اور مشرقی خراسان مع شہر ہرات افغانستان کی حدود میں شامل ہے۔نیشابور ، ایران کا ایک قدیم شہر صوبہ خراسان کا پہلے صدر مقام بہت پرانا اور تاریخی شہر ہے جس میں خیام رہ رہے تھے ۔سناباد یا نوغان اس گاؤں کا نام ہے جو اب مشہد بن گیا ہے اور مشہد کے ایک محلے کا نام بھی ہے بڑے ہوتے ہوئے اس میں کئی ایک گاؤں شامل ہوگئے ۔عباسی دور مین صوبہ خراسان کے اس گاؤں میں امام علی رضا (ع) کی شہادت ہوئی۔ اسی شہادت کی مناسبت سے طوس کا یہ علاقہ مشہد کے نام سے مشہور ہوگیا۔ مشہد کا مطلب ہے جائے مدفن شہید اور اسی مناسبت سے اسے مشہد الرضا کہا جاتا ہے۔ لیکن حضرت امام رضا(ع) خراسان کیوں آگئے ؟ اس بات کی وضاحت کے لیے تاریخ میں ایسا لکھا گیا ہے کہ شیعوں کا آٹھویں امام حضرت امام رضا (ع) اپنے والد گرامی حضرت امام موسی کاظم(ع)کی بغداد کے زندان میں شھادت کے بعد سن 183 ھ ق میں امامت پر فائض ہوئے ۔آنحضرت اپنے دور امامت میں اٹھارہ سال مدینہ منورہ میں قیام پذیر تھے اور اس دوران ھارون رشید اور اسکے دو بیٹوں امین اور مامون کی غاصبانہ خلافت کے بھی شاھد رہے اور سن 200 ھ ق کو مامون نے امام کو خراسان (ایران) آکر اسکی حکومت میں شریک ہونے کی دعوت دی ۔جس طرح مامون عباسی سے نقل کیا جارہا ہے کہ اس نے نذر کی تھی کہ اگر اپنے بھائی امین کے ساتھ جنگ میں کامیاب ہوکر خلافت کو پہنچا تو حکومت ان کے حقدار کو یعنی آل ابیطالب (ع) کے افضل ترین شخص کے تحویل میں دے گا ۔(1)جب سن 198 ھ ق کو اپنے بھائی پر غالب آیا اور بغداد کو فتح کر کے عالم اسلام پر حاکم ہوا تو اس نے چاہا اپنے نذر کا وفا کرے اور اس ضمن میں امام علی بن موسی الرضا علیہ السلام کو آل ابی طالب (ع) میں سے افضل ترجانا ۔ وہ کہتا تھا کہ: ما اعلم احدا افضل من ھذا الرّجل علي وجہ الارض؛ میں روی زمین پر اس شخص (امام علی بن موسی الرضا (ع) سے بڑ کر کسی کو بہتر اور با فضیلت نہیں جانتا۔(2)اس طرح اس نے اپنے سرداروں میں سے " رجاء بن ابی ضحاک " نامی سردار کو عیسی جلودی کے ساتھ مدینہ روانہ کیا تاکہ امام رضا علیہ السلام کو خراسان آنے کا دعوت دیں ۔(3)امام رضا علیہ السلام چونکہ بنی عباسی خلیفوں کی مکر و فریب سے بخوبی واقف تھے اس لئے دعوت قبول کرنے سے اجتناب کیااور "مرو " ( مامون کا دار الخلافہ) جانے سے مدینہ میں رہنے کو ہی ترجیح دی۔مگر مامون کے اصرار کے سامنے کچھ نہ چلی اور ناچار دعوت کو قبول کیا ۔ آنحضرت نے اپنے جد رسول خدا(ص) اور جنت البقیع میں اپنے بزگوں کی قبروں خاص کر والدہ ماجدہ حضرت فاطمہ زھرا (س) کی قبر کو الوداع کیا اور اپنے چھوٹے فرزند حضرت امام محمد تقی علیہ السلام کو مدینہ میں اپنا جانشین قرار دے کر مامون کے کارندوں اور اپنے چند دوستوں اور علویوں کے ھمراہ خراسان کی طرف روانہ ہوے ۔جب امام رضا علیہ السلام " مرو " پہنچے تو لوگوں کی طرف سے از جملہ فقھا ۔ دانشمندوں ، شاعروں ۔ درباریوں اور خود مامون کی طرف سے بے نظیر اور والہانہ استقبال ہوا ۔مامون نےاستقبال اور خاطر داری کے بعد امام رضا علیہ السلام سے کہا : میں خلافت سے کنار ہوکے خلافت کو آپ کے سپرد کرنا چاہتا ہوں، کیا آپ اس کو قبول کر لیں گے ؟امام رضا علیہ السلام نے انکار کیا ۔ کیونکہ وہ جانتے تھے کہ وہ جھوٹ کہتا ہے عملا ایسا کرنا نہیں چاہتا بلکہ اس طرح امام کو آزمامانا چاہتا تھا اور اگر حکومت کو امام (ع) کے حوالے کر بھی لیتا کچھ مدت بعد ان کو حکومت سے برکنار کرلیتا اور خود دوبارہ حکومت کو ہاتھ میں لے کر اپنی غاصب حکومت کو جائز بنادیتا ۔اور دوسری طرف علوی اور غیر علویوں کی طرف سے جہان اسلام میں جو بغاوت کی لہر دوڑ رہی تھی ، اسکو خاموش کرانے کیلئے امام رضا علیہ السلام کاسہارا لینا اس کیلئے ناگزیر تھاتاکہ انہیں عباسی خلافت کو قبول کروا‎لے زیر کے سکے ۔امام رضا علیہ السلام چونکہ اسکی اصلی نیت سے با خبر تھے اس لئے کسی بھی صورت میں خلافت کو قبول نہیں کیا ۔ مامون نے پھر ایک بار ولی عھدی قبول کرنے کی دعوت دی لیکن امام (ع) نے قبول نہیں کیا ۔ مگر اس بار مامون نے امام رضا(ع) کا استنکاف قبول نہیں کیا اور کہا کہ ولی عھدی قبول کرنا زبردستی اور حتمی ہے اس سے راہ فرار نہیں ہے ۔ آخر کار امام رضا علیہ السلام کیلئے ولی عھدی کو قبول کرنے کے سوا کوئی راستہ نہ رہا ۔ آنحضرت نے حکومت میں شریک نہ رہنے کیلئے عوام سے اپنے لئے بیعت حاصل کی ۔ اسکے بعد عباسیوں کے کالے کپڑے سبزرنگ میں جوکہ علویوں کا رنگ ہے تبدیل ہوگیا ۔ عباسیوں کے کالے رنگ کے جھنڈے علوی سبز رنگ میں تبدیل ہوگئے۔ آنحضرت کے نام کا سکہ جاری ہوا اور خطبوں میں انکی تجلیل اور تکریم ہونے لگی ۔لیکن جو حکومت کی خاطر اپنے بھائی کو قتل کروایا کیا رسول خدا(ص) کے نواسے کو حکومت دیتا ہےوہ آخر امام(ع) کی جان لینے کے درپے ہوگیا اور وہی خاموش حربہ جوان معصومین علیہ السّلام کے ساتھ اس کے پہلے بہت دفعہ استعمال کیا جاچکا تھا کام میں لایا گیا۔ انگور میں جو بطور تحفہ امام علیہ السّلام کے سامنے پیش کیے گئے تھے زہر دیا گیا اوراس کے اثر سے 71صفر 302ھ میں حضرت علیہ السّلام نے شہادت پائی۔ مامون نے بظاہر بہت رنج وماتم کااظہار کیا اور بڑے شان وشکوہ کے ساتھ اپنے باپ ہارون رشید کے قریب دفن کیا۔ جہاں مشہد مقدس میں حضرت علیہ السّلام کا روضہ ہے وہیں اپنے وقت کا بزرگ ترین دنیوی شہنشاہ ہارون رشید بھی دفن ہے جس کا نام و نشان تک وہاں جانے والوں کو معلوم نہیں ہوتا۔مشہدِ مقدس اور قُم ایران کے دو ایسے شہر ہیں جنہیں دنیائے شیعت میں مکّہ، مدینہ، نجفِ اشرف اور کربلا کے بعد اہم ترین زیارات تصور کیا جاتا ہے اور یہاں صدیوں سے سال بھر ساری دنیا سے آنے والے زائرین کا ایک تانتا بندھا رہتا ہے۔ایک سرکاری اندازے کے مطابق سال بھر میں دو کروڑ سے زیادہ زائرین مشہدِ مقدس میں آتے ہیں۔ ایران میں آنی والی حکومتیں طاہریاں، صفاریاں ،سامانیاں ،سلجوقی سلطنت اور خوارزمشاہیاں کے دور میں رفتہ رفتہ مشہد الرضا کی اہمیت بڑھنے لگی خاص طور پر سلجوقی دور میںسلجوقی سلطنت 11ویں تا 14ویں صدی عیسوی کے درمیان مشرق وسطی اور وسط ایشیا میں قائم ایک مسلم بادشاہت تھی جو نسلا ترک تھے۔ مسلم تاریخ میں اسے بہت اہمیت حاصل ہے کیونکہ عالم اسلام کو ایک مرکز پر جمع کرنے والی آخری سلطنت تھی۔ اس کی سرحدیں ایک جانب چین سے لے کر بحیرۂ متوسط اور دوسری جانب عدن لے کر خوارزم و بخارا تک پھیلی ہوئی تھیں۔ ان کا عہد تاریخ اسلام کا آخری عہد زریں کہلا سکتا ہے ۔ سلجوقیوں کے زوال کے ساتھ امت مسلمہ میں جس سیاسی انتشار کا آغاز ہوا اس کا فائدہ اٹھاتے ہوئے اہلیان یورپ نے مسلمانوں پر صلیبی جنگیں مسلط کیں اور عالم اسلام کے قلب میں مقدس ترین مقام (بیت المقدس) پر قبضہ کر لیا۔خوارزمشاہیاں کے دور میں چنگیز خان کے یلغار شروع ہوا چنگیز خان نے اپنے آپ کو منگول سلطنت کاحاکم ایلان کیا۔اورخراسان حملہ کیا انسانی تاریخ میں اتنی وسیع تباہی اورخرابی کوئی دوسری نہیں ملتی۔چنگیز خان اور ہلاکو خان کے یلغار کے بعد خراسان کے شہروں میں ویرانی بری طرح پھیل گئیہلاکو خان کی اولاد جا ایران اور عراق پر حکمران رہی مسلمان ہو گئے۔ سنہ 737 ہجری قمری کو ایران کے خراسان میں منگول حکمرانوں کے خلاف سربداران تحریک کامیاب ہوئی اور اسی نام سے پہلی بار ایران میں ایک شیعہ حکومت کی بنیاد رکھی گئی ۔سربداران ایک گروہ تھا جس نے منگولوں کے ظلم و ستم کے خلاف تحریک شروع کی ۔ان افراد کی قیادت شیخ خلیفہ ، شیخ حسن جوری اور عبدالرزاق جیسے مجاہد علماء نے کی ۔تحریک چلانے والوں کا نعرہ یہ تھا کہ یا ظالم کو ختم کردیں گے یا دار پر چڑھ جائیں گے ذلت قبول نہیں کریں گے اسی بنا پر ان کا نام سربداران پڑگیا ۔ سربداران نے تقریبا" نصف صدی تک ایران کے شمال مشرقی علاقوں پر حکومت کی ۔ اس عرصے مشہد اور سبزوار مین رونق آگئیآخر کار تیمور گورگانی نے سنہ 788 ہجری قمری میں ان کی حکومت کا خاتمہ کردیا۔ تیمور نے سربداروں کو فنا کیا۔ 85۔ 1384ء میں ستر ہزار انسانوں کے قتل کے بعد اس مہم کا خاتمہ ہوا۔تیموریاں کے بعد صفوی سلطنت وجود میں آگئی ایران میں اسلامی فتوحات کے بعد جو سب سے بڑی حکومت قائم ہوئی وہ 1501ء سے 1722ء تک قائم رہنے والی صفوی سلطنت تھی۔ جس نے تیموریوں کے بعد ایران میں عروج حاصل کیا. اس حکومت کا بانی شاہ اسماعیل ایک بزرگ شیخ اسحاق صفی الدین (متوفی 1334ء) کی اولاد میں سے تھا چنانچہ انہی بزرگ کی نسبت سے یہ خاندان صفوی کہلاتا ہے ۔شاہ اسماعیل نے شیعیت کو ایران کا سرکاری مذہب قرار دیا اور عباس اعظم نے ایران کے وسط میں اصفہان کو دارالسلطنت بنایا۔عباس نے اصفہان کو اتنی ترقی دی کہ لوگ اس کو "اصفہان نصف جہان" کہنے لگے۔ اس زمانے میں اصفہان کی آبادی 5 لاکھ کے لگ بھگ تھی۔ یہاں ایسی شاندار عمارتیں تعمیر کی گئی جو قسطنطنیہ اور قاہرہ کو چھوڑ کر اس زمانے کے کسی شہر میں نہیں تھیں۔ اس دور میں مشہد بڑی تیزی سے پھلنے پھولنے لگامشہد میں امامِ رضا کے روضےکی صدیوں پرانی اور طویل تاریخ ہے۔ کوئی ساٹھ ایکڑ رقبے پر پھیلا ہوا یہ ایک وسیع و عریض کمپلیکس ہے جس کی توسیع اور آرائش کا کام ہر دور حکومت میں ہوتا رہا اور جو اب بھی جاری ہے۔ مشہد کی آبادی 2500000 تک پہنچ گئی ہے تہران سے روزانہ کوئی پندرہ کے قریب پروازیں مشہد جاتی ہیںپروازوں میں کاروباری لوگوں کے علاوہ ایک بہت بڑی تعداد اُن زائرین کی ہوتی ہے۔مشہد میں اور بھی بہت سے تاریخی اور تفریحی مقامات ہیں جو سیاحوں کی توجہ کا مرکز ہوتے ہیں ۔ ان میں چند مشہور مقامات درج ذیل ہیں ۔

مسجد جامع گوهرشاد، گنبد خشتی، پير پالان دوز، گنبد سبز، امامزاده ناصر،گنبد هارونیه ،موزه نادر شاهکلات نادريمسجد هفتاد و دو تنمدرسه عباسقلي خانمصلي مشهدرباط طرقبقعه تاريخي امام زاده يحييروستاي تاريخي پاژميل اخنگانرباط فخر داودگنبد خشتي

​

​