پشاور یونیورسٹی کے شعبہ فارسی زبان و ادب میں جشن نوروز کا انعقاد

بروز جمعرات بمطابق 22 مارچ 2018 پشاور یونیورسٹی کے فارسی شعبہ سے تعلق رکھنے والے دوستان کے ہمراہ شعبہ فارسی زبان و ادب میں جشن نوروز کا انعقاد کیا گیا۔ اس جشن میں پیشاور یونیورسٹی کے اسلامی اور مشرقی مطالعہ کے فیکلٹی ڈین جناب ڈاکٹر معراج الاسلام، اسلامی جمہوری ایران کی پیشاور قونصلیٹ میں تعینات قونصل جنرل جناب محمد باقر بیگی، خانہ فرھنگ اسلامی جمہوری ایران پشاور کے ڈائریکٹر جنرل جناب ڈاکٹر سید عباس فاموری، شعبہ فارسی کی سابقہ چیئرپرسن ڈاکٹر شفقت جہان، شعبہ اردو کی چیئرپرسن ڈاکٹر روبینہ شاھین، ھوم اکنامکس کالج کی پرنسپل ڈاکٹر کنیز فاطمہ اور شعبہ فارسی کے چیئرمین جناب ڈاکٹر یوسف حسین کے ساتھ ساتھ ماسٹر، ایم فل اور پی ایچ ڈی سٹوڈنٹس نے بھی شرکت کی۔